8/0 & 11/0

🔴 الفرق بين مقاس 11/0 و  8/0
أولآ، الإستخدامات:
8/0 :
١) مناسب اكتر لما تكوني مستخدمة خرز لونه مميز جدا و به أشكال او الوان مختلفة في الخرزة الواحدة، ساعتها حجم خرزة ال 8/0 هتديكي مساحة يظهر فيها جمال لون الخرزة اوضح و تفاصيله باينه اكتر، مش محتاجة نظارة مكبرة عشان تشوفي خريطة الجمال المنقوشة على الخرزة و اللي اصلا مخلياه بسعره القيم ده👑
٢) لو الموديل بسيط و رقيق، إستخدام مقاس 8/0 و 6/0 افضل من المقاسات الصغيرة، لان لو الموديل اصلا صغير و الخرز صغير جدا برضوا، الاسورة مش هتبان اصلا، بالعافية انت بس هتشوفيها و ماحدش جنبك هياخد باله اصلا انك لابسة حاجة🙄👎 و انت صحيح لابساه لاستمتاعك الشخصي، بس برضوا، مظهرك و شياكتك هتحبي غيرك يشوفها و يُثني على جمالها و حُسن إختيارك.. صح؟! ❤️
٣) اوقات في ديزاينز بتبقي فيها اشكال، وردة مثلا او حاجة طبيعيآ المفروض حجمها اكبر من باقي القطعة، فا لو استخدمتي ساعتها كل الاسورة نفس الحجم الصغير، هيبقي مظهر مش مُحبب و مش مُحترف و مايحسسكيش انك فعلآ بتبصي على وردة! فا لو مثلآ هتعملي وردة في الإسورة، إعمليها بمقاس 8/0 عشان اولا جمال الخرزة يبان، و كمان مفهوم انها وردة اصلا يظهر و يبقي واضح في الديزاين بتاعك.

👈 مقاس 11/0 بقي إستخدامته مختلفة:
١) لو الموديل حجمه كبير، ساعتها إستخدام مقاس 11/0 هيبقي ضروري عشان اولا وزن القطعه مايبقاش ثقيل و يضايق اللي لابسها، و عشان يحافظ على ان القطعة شكلها مايبقاش ضخم قوي وده طبعا مظهر مش عملي و مش شيك إطلاقآ.
٢) في الشغل اللي بيحتاج مقاسات مختلفة و يكون فيه ادوار كتير و خرز احجام مختلفة، لان ده معناه ان هيبقي في أماكن صغيرة محتاجة تتملي، و المقاس الصغير ده مناسب للحشو.
٣) مناسب جدا للشغل الدقيق و الشغل على القماش و لما تكوني بترسمي رسمه صغيرة بالخرز و فيها الوان كتير.

👈 ثانيآ، واضح في الصورة الإختلاف في الحجم، و طبعآ 🔴👈 مختلف تمامآاااااااااا عن احجام التفسيرة العادية! لان بيجلنا اسألة كتير عن اذا كان نفس نسب الحجم ❌️ لا، نهائي. التفسيرة بتبقي اكبر في الاحجام خصوصا ال 8/0 و ال 6/0 لان التفسيرة الخرز غير متناسق الحجم فا بيبقي في خرز كتير اكبر من المفروض يبقي حجمه، لاكن المايوكي👑 الوانه standard عالميآ و كل الخرز مقاسه مظبوط بالفيمتو مل😉☝️ و كل الخرز متساوي الحجم تمامآ 👑
🔴 عشان كدة بيسموا المايوكي ” ملك الخرز ” لانه أفضل خرز في العالم 👑 … #احذروا_التقليد